KUN MASLAHATI:

Мақоланинг кирилл ҳарфларида ёзилган нусхаси матннинг давомида келтирилган
Olma - sog'liq uchun foydali va qimmatli bo'lgan mahsulotlardan biri hisoblanadi. U organizmni shlaklardan ozod qilib, ozishda yaxshi samara beradi. Ozish yo'lida ommabop tusni egallagan mahsulotlardan biri bu - olma sirkasi sanaladi.

Olma sirkasi nima? U nimadan tarkib topgan?

Olma sirkasi - bijish jarayonidan o'tgan olma sokidir. Maydalangan olmalarning ustiga suv quyiladi va shakar solinadi, bijish jarayoni boshlanadi, uning natijasida esa sirka kislotasi ishlab chiqarila boshlaydi. Bijish jarayoni nihoyasiga etganidan so'ng, masalliq tindirib olinadi va idishlarga, qopqog'i mustahkam ravishda berkilgan holatda solib saqlanadi. Olma sirkasi qator foydali xususiyatlarga, jumladan mikroelementlarga boydir, bulardan: kaliy, kal'siy, natriy, fosfor, kremniy, magniy, temir, oltingugurt, xlor, mis, shuningdek A, B1, B2, B6, S, E vitaminlari va sut, limon, shavel' va olma kislotalari hamda pektinga egadir.

Olma sirkasidan tashqi vosita tariqasida uzoq vaqtdan buyon foydalanilib kelingan. Lekin ushbu mahsulotni ichki vosita sifatida foydalanishni amerikalik tadqiqotchi D.S.Jarvis boshlagan. U inson organizmi uchun olma sirkasi, asalari mahsulotlari va sof asalning foydali ta'sirlari borasida fikrlarni bildirgan.

Olma sirkasi yordamida ozish uchun qanday to'g'ri foydalanish borasida

Ahamiyatli bo'lmagan miqdorda olma sirkasini qabul qilish ishtahaning bo'g'ilishiga olib keladi, moddalar almashinuvini yaxshilanishiga va yog'larning parchalanishiga olib keladi. Sirkani qabul qilish jarayonida ko'pchilikning fikriga qaraganda, shirinlikka bo'lgan talab va ehtiyoj yo'qoladi. Dastlabki ko'zga ko'ringan natijalar, qabul boshlangan davrdan boshlab, taxminan 2-3-oylardagina ko'rinishni boshlaydi. Tez vazn tashlashni istagan xohlovchilar uchun ushbu vosita to'g'ri kelmaydi. Amaliyotda foydalanganlarning aytishicha, buning uchun bir oz muddat va sabr talab etiladi.

MUHIM AXBOROT: sirka faqat tabiiy bo'lishi lozim, do'kon rastalarida sotiladigan "olma sirkasi", oddiy oshxona sirkasi bo'lishi va unga faqat olma essensiyasi qo'shilgan bo'lishi haqida sizni ogoh etishni zarur topdik. Bundan tashqari "olma sirkasi" yozuvi ostida xarid etilayogan mahsulot orqali sog'ligingizga jiddiy ziyon keltirib qo'yishingiz mumkin. Ushbu mahsulotni o'zingiz mustaqil tayyorlashingiz mumkin.

Sirkani 1:25 ko'rinishida suv bilan rostlashingiz zarur. Ya'ni 10 ml. sirkaga (2 osh qoshiq) bir stakan suv qo'shiladi (250 ml). Ichimlik yoqimli mazaga ega bo'lishi uchun unga bir choy qoshiq asal qo'shishingiz mumkin.

Tayyor bo'lgan ichimlikni (ya'ni ko'rsatilgan miqdorda rostlab olingan) kokteyl' uchun mo'ljallangan solominka yordamida ichish lozim. Chunki sirkada mavjud bo'lgan kislotalar tishlar emaliga ziyon yetkazishi mumkin, suyuqlikni ichib bo'lgandan so'ng esa og'iz bo'shlig'ini suv bilan chayib tashlash tavsiya etiladi.

Umumiy holatni yaxshilash va hayotiy xushchaqchaqlikni oshirish uchun bunday suyuqlikni kuniga bir marotaba ichish kifoyadir. Ozish uchun esa, har ovqatlangandan so'ng amalga oshirish tavsiya etiladi (ertalab, tushlikda va kechki ovqatlanishdan so'ng).

Olma sirkasini qabul qilish mumkin bo'lmagan holatlar
Sirkali suv aralashmasi yuqori kislotalikka ega bo'lib, uni mutlaqo sog'lom, ayniqsa oshqozon-ichak yo'llarida hech qanday muammo mavjud bo'lmagan insonlar iste'mol qilishlari lozim (gastrit, yuqori kislotalik, oshqozon yarasi kasalligi, surunkali va o'tkir gepatit kasalliklariga man etiladi).

Hozirgi kunda olma sirkasi ozish yo'lida eng oddiy va qulay vositalardan biri hisoblanadi. Ko'pchilik ushbu usul orqali ozgan bo'lsa, ayrimlar esa uni noto'g'ri foydalanganligi tufayli o'z sog'liqlariga ziyon yetkazganliklari belgilangan. Shu sababli, har bir muolajani boshlashdan avval shifokordan maslahat olish, shu bilan birga uni tayyorlashda ko'rsatmaga to'liq rioya qilish lozim.
Mutaxassislarning fikriga ko'ra 80% aholi oshqozon-ichak kasalliklariga egadirlar, shu sababli shu sohada muammo, buzilish va asoratlarga ega bo'lmaslik uchun bunday ichimlik iste'mol qilmaslik tavsiya etiladi. Olma sirkasidan foydalanishga botina olmayotganlar yoki yuqorida keltirib o'tilgan muammolar mavjud bo'lsa, barcha maslahatlarga rioya qilishlari, faqat sirkadan foydalanmagan holda, ya'ni uch mahal, uch stakan bir choy qoshiq asal suv solingan ichimlikni ichish tavsiya etiladi. Ushbu muolajaning foydasi, ayniqsa unga chin dildan ishonishingiz, uning samarasining yanada ortishiga shubha qolmaydi.

Olma sirkasi teri tortmalari (rastyajka) va sellyulitdan samarali tashqi vosita hisoblanadi. Ushbu muolaja davomida suv va sirkaning (30 ml. sirkaga 250 ml. suv) aralashmasidan foydalanib massaj qilinadi. Biroz vaqt o'tgandan so'ng esa, teringiz silliq, shoyisimon bo'lib qolganligini, sellyulit va teri tortmalarining kamayganligiga ishonch hosil qilasiz.

Uy sharoitida olma sirkasini tayyorlash usuli:

1 kg olma, istagan navdagi olmalar (pishib ketgan, xomroq ko'rinishdagi) olinib, o'rtasini tozalab olasiz, so'ng maydalab to'g'rab olasiz, ustiga suv quyasiz (1,25 l), suvning issiqligi taxminan 70 gradus bo'lishi lozim (ya'ni bu oxirigacha qaynamagan suvning issiqlik darajasidir). So'ng asal yoki shakar solasiz. Agarda olmalar shirin bo'lsa 50g. shirinlikni soling, agarda olmalar nordon bo'lsa, u holda asal yoki shakarni 100 g. miqdorda soling. Bijish jarayoni boshlanishi uchun 10g. drojji yoki 20 g. javdar suxariklaridan solish lozim.

Birinchi 10 kunlikda aralashmani kuniga 2-3 marotaba aralashtirib turish lozim. Suyuqlik xona haroratida saqlanadi. So'ng aralashmani doka yordamida suvini, quyuq masalliqdan ajratib olinadi. So'ng og'zi katta idishga quyib, ustiga doka tashlab qo'yiladi va iliq haroratli xonaga qo'yiladi. Jarayon bir - ikki oy davomida yakunlanadi. Aralashma bijigandan so'ng, sirkaga aylangandan keyin uni tindirib, ajratib olinadi, shisha idishlarga quyib, zich yopilgan holatda muzlatgichda saqlanadi.

Muallif Marina Kurochkina
www.beautynet.ru

Олма - соғлиқ учун фойдали ва қимматли бўлган маҳсулотлардан бири ҳисобланади. У организмни шлаклардан озод қилиб, озишда яхши самара беради. Озиш йўлида оммабоп тусни эгаллаган маҳсулотлардан бири бу - олма сиркаси саналади.

Олма сиркаси нима? У нимадан таркиб топган?

Олма сиркаси - бижиш жараёнидан ўтган олма сокидир. Майдаланган олмаларнинг устига сув қуйилади ва шакар солинади, бижиш жараёни бошланади, унинг натижасида эса сирка кислотаси ишлаб чиқарила бошлайди. Бижиш жараёни ниҳоясига етганидан сўнг, масаллиқ тиндириб олинади ва идишларга, қопқоғи мустаҳкам равишда беркилган ҳолатда солиб сақланади. Олма сиркаси қатор фойдали хусусиятларга, жумладан микроэлементларга бойдир, булардан: калий, кальций, натрий, фосфор, кремний, магний, темир, олтингугурт, хлор, мис, шунингдек А, В1, В2, В6, С, Е витаминлари ва сут, лимон, щавель ва олма кислоталари ҳамда пектинга эгадир.

Олма сиркасидан ташқи восита тариқасида узоқ вақтдан буён фойдаланилиб келинган. Лекин ушбу маҳсулотни ички восита сифатида фойдаланишни америкалик тадқиқотчи Д.С.Жарвис бошлаган. У инсон организми учун олма сиркаси, асалари маҳсулотлари ва соф асалнинг фойдали таъсирлари борасида фикрларни билдирган.

Олма сиркаси ёрдамида озиш учун қандай тўғри фойдаланиш борасида

Аҳамиятли бўлмаган миқдорда олма сиркасини қабул қилиш иштаҳанинг бўғилишига олиб келади, моддалар алмашинувини яхшиланишига ва ёғларнинг парчаланишига олиб келади. Сиркани қабул қилиш жараёнида кўпчиликнинг фикрига қараганда, ширинликка бўлган талаб ва эҳтиёж йўқолади. Дастлабки кўзга кўринган натижалар, қабул бошланган даврдан бошлаб, тахминан 2-3-ойлардагина кўринишни бошлайди. Тез вазн ташлашни истаган хоҳловчилар учун ушбу восита тўғри келмайди. Амалиётда фойдаланганларнинг айтишича, бунинг учун бир оз муддат ва сабр талаб этилади.

МУҲИМ АХБОРОТ: сирка фақат табиий бўлиши лозим, дўкон расталарида сотиладиган "олма сиркаси", оддий ошхона сиркаси бўлиши ва унга фақат олма эссенцияси қўшилган бўлиши ҳақида сизни огоҳ этишни зарур топдик. Бундан ташқари "олма сиркаси" ёзуви остида харид этилаёган маҳсулот орқали соғлигингизга жиддий зиён келтириб қўйишингиз мумкин. Ушбу маҳсулотни ўзингиз мустақил тайёрлашингиз мумкин.

Сиркани 1:25 кўринишида сув билан ростлашингиз зарур. Яъни 10 мл. сиркага (2 ош қошиқ) бир стакан сув қўшилади (250 мл). Ичимлик ёқимли мазага эга бўлиши учун унга бир чой қошиқ асал қўшишингиз мумкин.

Тайёр бўлган ичимликни (яъни кўрсатилган миқдорда ростлаб олинган) коктейль учун мўлжалланган соломинка ёрдамида ичиш лозим. Чунки сиркада мавжуд бўлган кислоталар тишлар эмалига зиён етказиши мумкин, суюқликни ичиб бўлгандан сўнг эса оғиз бўшлиғини сув билан чайиб ташлаш тавсия этилади.

Умумий ҳолатни яхшилаш ва ҳаётий хушчақчақликни ошириш учун бундай суюқликни кунига бир маротаба ичиш кифоядир. Озиш учун эса, ҳар овқатлангандан сўнг амалга ошириш тавсия этилади (эрталаб, тушликда ва кечки овқатланишдан сўнг).

Олма сиркасини қабул қилиш мумкин бўлмаган ҳолатлар
Сиркали сув аралашмаси юқори кислоталикка эга бўлиб, уни мутлақо соғлом, айниқса ошқозон-ичак йўлларида ҳеч қандай муаммо мавжуд бўлмаган инсонлар истеъмол қилишлари лозим (гастрит, юқори кислоталик, ошқозон яраси касаллиги, сурункали ва ўткир гепатит касалликларига ман этилади).

Ҳозирги кунда олма сиркаси озиш йўлида энг оддий ва қулай воситалардан бири ҳисобланади. Кўпчилик ушбу усул орқали озган бўлса, айримлар эса уни нотўғри фойдаланганлиги туфайли ўз соғлиқларига зиён етказганликлари белгиланган. Шу сабабли, ҳар бир муолажани бошлашдан аввал шифокордан маслаҳат олиш, шу билан бирга уни тайёрлашда кўрсатмага тўлиқ риоя қилиш лозим.
Мутахассисларнинг фикрига кўра 80% аҳоли ошқозон-ичак касалликларига эгадирлар, шу сабабли шу соҳада муаммо, бузилиш ва асоратларга эга бўлмаслик учун бундай ичимлик истеъмол қилмаслик тавсия этилади. Олма сиркасидан фойдаланишга ботина олмаётганлар ёки юқорида келтириб ўтилган муаммолар мавжуд бўлса, барча маслаҳатларга риоя қилишлари, фақат сиркадан фойдаланмаган ҳолда, яъни уч маҳал, уч стакан бир чой қошиқ асал сув солинган ичимликни ичиш тавсия этилади. Ушбу муолажанинг фойдаси, айниқса унга чин дилдан ишонишингиз, унинг самарасининг янада ортишига шубҳа қолмайди.

Олма сиркаси тери тортмалари (растяжка) ва целлюлитдан самарали ташқи восита ҳисобланади. Ушбу муолажа давомида сув ва сирканинг (30 мл. сиркага 250 мл. сув) аралашмасидан фойдаланиб массаж қилинади. Бироз вақт ўтгандан сўнг эса, терингиз силлиқ, шойисимон бўлиб қолганлигини, целлюлит ва тери тортмаларининг камайганлигига ишонч ҳосил қиласиз.

Уй шароитида олма сиркасини тайёрлаш усули:

1 кг олма, истаган навдаги олмалар (пишиб кетган, хомроқ кўринишдаги) олиниб, ўртасини тозалаб оласиз, сўнг майдалаб тўғраб оласиз, устига сув қуясиз (1,25 л), сувнинг иссиқлиги тахминан 70 градус бўлиши лозим (яъни бу охиригача қайнамаган сувнинг иссиқлик даражасидир). Сўнг асал ёки шакар соласиз. Агарда олмалар ширин бўлса 50г. ширинликни солинг, агарда олмалар нордон бўлса, у ҳолда асал ёки шакарни 100 г. миқдорда солинг. Бижиш жараёни бошланиши учун 10г. дрожжи ёки 20 г. жавдар сухарикларидан солиш лозим.

Биринчи 10 кунликда аралашмани кунига 2-3 маротаба аралаштириб туриш лозим. Суюқлик хона ҳароратида сақланади. Сўнг аралашмани дока ёрдамида сувини, қуюқ масаллиқдан ажратиб олинади. Сўнг оғзи катта идишга қуйиб, устига дока ташлаб қўйилади ва илиқ ҳароратли хонага қўйилади. Жараён бир - икки ой давомида якунланади. Аралашма бижигандан сўнг, сиркага айлангандан кейин уни тиндириб, ажратиб олинади, шиша идишларга қуйиб, зич ёпилган ҳолатда музлатгичда сақланади.